Tanlov haqida

“Ustoz-2021” tanlovi xalqaro tajribalar va zamonaviy talablarga asoslanib tashkil etilmoqda.

Ushbu mukofot avvalgi “Yilning eng yaxshi fan oʻqituvchisi” tanlovidan tubdan farq qilib, nominatsiyalar turli fanlarga emas, balki oʻqituvchining umumiy bilim, ko‘nikmalari, fidoyiligi, sohaga qo‘shayotgan hissasi kabi jihatlarga asoslangan. Xalq taʼlimi vazirligi tanlovda faqatgina kuzatuvchi sifatida ishtirok etadi. Avvalgi tanlovdan farqli o‘laroq, o‘qituvchilar tuman, viloyat va respublika bosqichlariga jalb etilmaydi. Aksincha, tanlovda hududga bog‘lanmagan holda istalgan ishtirokchi onlayn ro‘yxatdan oʻtib, tanlovda qatnashish imkoniyatiga ega. Tanlov 8 nominatsiya bo‘yicha uch bosqichda boʻlib oʻtadi.

“Ustoz – 2021” milliy tanlovining maqsadlari:
– oʻqituvchi kasbining jamiyatdagi mavqeini yanada oshirish;
– xalq taʼlimi tizimidagi ilgʻor, ijodkor, tashabbuskor pedagoglarni saralash;
– ularning ijodiy va kasbiy salohiyatlari hamda qobiliyatlarini ochib berish;
– o‘qituvchilarning yosh avlodni tarbiyalash va insoniy fazilatlarini shakllantirishdagi hissasini e’tirof etish;
– taʼlim jarayonida innovatsion texnologiyalardan samarali foydalanadigan va salmoqli natijalarga erishayotgan oʻqituvchilarning ish tajribasini ommalashtirish;
– ilg‘or o‘qituvchilarni xalqaro miqyosdagi tanlovlarda ishtirokini ta’minlash;
– ustoz va muallimlarni qoʻllab-quvvatlash, ta’lim tizimida erishayotgan yutuqlarini rag‘batlantirish;

O‘qituvchilar tuman, shahar va viloyatidan qat’iy nazar, tanlovida o‘z nomzodlarini ko‘rsatish imkoniyatiga ega.

“Ustoz – 2021” milliy tanlovi “Global Teacher Prize” tanlovini oʻtkazuvchi Varkey Foundation xalqaro tashkiloti bilan hamkorlikda oʻtkazilmoqda. Aytish joizki, “Global Teacher Prize – 2021” xalqaro tanlovining gʻolibi 1 million AQSh dollari miqdoridagi pul mukofoti bilan taqdirlanadi. “Global Teacher Prize” mukofoti so‘nggi 3 yil davomida har yili Dubayda o‘tkazilib, butun dunyodan yuzlab o‘qituvchilarni birlashtirib kelmoqda. Ma’lumot uchun, ushbu xorijiy tashkilot hozirga qadar 36 mamlakatda ilg‘or oʻqituvchilarni saralab olish bo‘yicha milliy tanlovlarni oʻtkazishda hamkorlik qilib keladi.

O‘qituvchilik kasbining ahamiyati va o‘qituvchilarning pandemiya davrida bolalarga yordam berishdagi sa’y-harakatlarini e’tirof etish maqsadida “Ustoz – 2021” tanlovi laureatlari Varkey Foundation tashkilotining “Global Teacher Prize – 2022” xalqaro tanlovida qatnashish uchun yo‘llanmani qo‘lga kiritish imkoniyatiga ega bo‘ladilar.

“Tanlov o‘qituvchining yutuqlarini nafaqat maktabda, balki uning tashqarisida o‘quvchilar, hamkasblar, maktab direktorlari va keng jamoatchilik a’zolari tomonidan e’tirof etilishini maqsad qilgan!”»

TANLOV MAQSADI

“Ustoz-2021” milliy tanlovi – xalq taʼlimi tizimida faoliyat yuritayotgan innovatsion, ijodkor, tashabbuskor oʻqituvchilarni ragʻbatlantirish, ijodiy salohiyatini ochib berish, ularga oʻzlarini global oʻqituvchilar hamjamiyatining bir qismi sifatida his qilish imkoniyatini berish, shuningdek, taʼlim jarayonida innovatsion texnologiyalardan samarali foydalangan va muhim natijalarga erishgan oʻqituvchilarni ragʻbatlantirish, jamiyatda oʻqituvchi kasbining nufuzini oshirishni MAQSAD qilgan.

TANLOV BOSQICHLARI VA SANASI

I
BOSQICH
15-sentabrdan -
10-oktabrgacha
II
BOSQICH
25-oktabrdan -
20-noyabrgacha
III
BOSQICH
29-noyabrdan -
5-dekabrgacha

TANLOV MEZONLARI

NOMINATSIYALAR

TASHABBUSKOR USTOZ
“XTV tizimiga kirmaydigan barcha maktablar (xususiy (nodavlat) maktablar, Prezident, ijod va ixtisoslashtirilgan maktablarni rivojlantirish agentligi tizimidagi maktablar (PIIMA))da faoliyat olib boruvchi oʻqituvchilarni rag‘batlantirish uchun”
Ushbu nominatsiyada ishtirok etish uchun talablar:
  • faqat xususiy nodavlat maktablar, shuningdek, PIIMA tizimidagi maktablar o‘qituvchilari;
  • yosh cheklovi yo‘q;
  • kamida 3 yillik o‘qituvchilik tajribasiga ega o‘qituvchilar.
  • MEHRIDARYO USTOZ
    “Imkoniyati cheklangan bolalarga uzoq yillar mobaynida ta’lim berish bilan birga mehr koʻrsatib, samarali faoliyat olib borayotgan oʻqituvchilarni ragʻbatlantirish uchun”
    Ushbu nominatsiyada ishtirok etish uchun talablar:
  • faqat imkoniyati cheklangan bolalar uchun ixtisoslashtirilgan maktab o‘qituvchilari;
  • yosh cheklovi yo‘q;
  • kamida 2 yillik o‘qituvchilik tajribasiga ega o‘qituvchilar.
  • TA’LIM SOHASIDA KOʻRSATGAN XIZMATLARI UCHUN
    “Yosh avlodning shakllanishiga beminnat hissa qoʻshib kelayotgan, barkamol avlodni yetishtirish uchun zamin yaratgan eng yaxshi boshlangʻich sinf oʻqituvchilarini ragʻbatlantirish uchun”
    Ushbu nominatsiyada ishtirok etish uchun talablar:
  • faqat boshlang‘ich sinflarda ishlaydigan umumta’lim maktab o‘qituvchilari;

  • yosh cheklovi yo‘q;

  • kamida 3 yillik o‘qituvchilik tajribasiga ega o‘qituvchilar.
  • UMID TIMSOLI
    “Ta’lim sohasida innovatsion va samarali ishlayotgan o‘qituvchilar, ya’ni o‘quv jarayonida foydalanish uchun mobil yechim yaratgan va/yoki ijtimoiy tarmoqlardan birida ta’lim kanaliga va kamida 500 ta obunachiga ega bo‘lgan va/yoki yuqorida ko‘rsatilgan mezonlardan biriga ega uslubiy birlashma rahbari sifatida faoliyat yuritayotgan o‘qituvchilarni ragʻbatlantirish uchun”
    Ushbu nominatsiyada ishtirok etish uchun talablar:
  • faqat xalq ta’limi tizimiga kiruvchi umumta’lim maktab o‘qituvchilari (ya’ni xususiy nodavlat maktablar, PIIMA tizimidagi maktablar, maxsus maktab-internat, olis hududlardagi maktablarlar o‘qituvchilari ariza bera olmaydilar);
  • yosh cheklovi yo‘q;
  • kamida 3 yillik o‘qituvchilik tajribasiga ega o‘qituvchilar.
  • BOSHLANGʻICH TA’LIM FIDOKOR USTOZI
    “Kamida 1 yillik oʻqituvchilik faoliyati mavjud, qator yutuqlarga ega, oʻz kasbiga sadoqatini oʻz mehnati ila namoyon eta olgan, yosh va umidli oʻqituvchilarni ragʻbatlantirish uchun”
    Ushbu nominatsiyada ishtirok etish uchun talablar:
  • faqat xalq ta’limi tizimiga kiruvchi umumta’lim maktab o‘qituvchilari (ya’ni xususiy nodavlat maktablar, PIIMA tizimidagi maktablar, maxsus maktab-internat, olis hududlardagi maktablar o‘qituvchilari ariza bera olmaydilar);
  • 30 yoshgacha bo‘lgan yosh o‘qituvchilar;
  • kamida 1 yillik o‘qituvchilik tajribasiga ega o‘qituvchilar.
  • MATONATLI USTOZ
    “Uzoq yillik (kamida 20 yillik) oʻqituvchilik tajribasiga ega, oʻz kasbiga sadoqatini oʻz mehnati ila namoyon eta olgan oʻqituvchilarni ragʻbatlantirish uchun”
    Ushbu nominatsiyada ishtirok etish uchun talablar:
  • faqat xalq ta’limi tizimiga kiruvchi umumta’lim maktab o‘qituvchilari (ya’ni xususiy nodavlat maktablar, PIIMA tizimidagi maktablar, maxsus maktab-internat, olis hududlardagi maktablar o‘qituvchilari ariza bera olmaydilar);
  • yosh cheklovi yo‘q;
  • kamida 20 yillik o‘qituvchilik tajribasiga ega o‘qituvchilar.
  • FIDOYI USTOZ
    “Yuqori sinf o’quvchilariga samarali rahbarlik qilib kelayotgan o‘qituvchilarni rag’batlantirish uchun”
    Ushbu nominatsiyada ishtirok etish uchun talablar:
  • faqat xalq ta’limi tizimiga kiruvchi umumta’lim maktab o‘qituvchilari (ya’ni xususiy nodavlat maktablar, PIIMA tizimidagi maktablar, maxsus maktab-internat, olis hududlardagi maktab o‘qituvchilari ariza bera olmaydilar);
  • yosh cheklovi yo‘q;
  • sinf rahbari sifatida kamida 5 yillik o‘qituvchilik tajribasiga ega o‘qituvchilar.
  • PLYUS 1
    “Olis hududlarda 2 yildan ortiq faoliyat yuritib kelayotgan o‘qituvchilarni rag‘batlantirish uchun” Ushbu nominatsiya O‘zbekiston Respublikasi Vazirlar Mahkamasining 471-sonli Qarori ilovasida belgilangan, olis hududda joylashgan maktablarda 2 yil va undan ortiq vaqt mobaynida faoliyat yuritib kelayotgan fidoiy ustozlarni rag‘batlantirish maqsadida taʼsis etiladi.
    Ushbu nominatsiyada ishtirok etish uchun talablar:
  • faqat olis hududdagi maktab o‘qituvchilari (Vazirlar Mahkamasining 2019-yil 7-iyundagi 471-son qaroriga muvofiq);
  • yosh cheklovi yo‘q;
  • olis hududdagi maktablarda kamida 2 yillik o‘qituvchilik tajribasiga ega o‘qituvchilar.
  • SARALASH JARAYONI

    Ishtirokchilar shaxsiy kabinet yaratish uchun saytda ro‘yxatdan o‘tishlari shart. Shundan so‘ng ro‘yxatdan o‘tgan ishtirokchilar o‘zining shaxsiy kabineti orqali tegishli nominatsiyalardan biriga ariza topshirishi mumkin bo‘ladi.

    1 2021-yil 15-sentabrdan 10-oktabrgacha nomzodlar tanlovning 1-bosqichida ishtirok etadilar. Bu bosqich ikkita kichik bosqichdan iborat – video yuklash (15 ballgacha baholanadi) va insho savollariga javob berish (35 ballgacha baholanadi). 1-bosqich natijalari bo‘yicha 200 nafar eng yaxshi o‘qituvchilar tanlab olinadi.
    Video mazmuni quyidagilarni o‘z ichiga olishi kerak:
    - sinfda guruh ishini tashkillashtirish va o‘quvchilar faolligini oshirishga e’tibor qaratilganligi;
    - mavzuni real hayotga bog‘lagan holda tushuntirilganligi va oʻtilgan mavzuni mustahkamlash uchun qo‘shimcha manbalar taklif qilinganligi;
    - sinfda o‘quvchi uchun qulay shart-sharoit yaratilganligi, o‘quvchi hamda o‘qituvchi o‘rtasidagi o‘zaro munosabatning ta’lim jarayoniga ijobiy ta’sir ko‘rsatishi;
    Video bo‘yicha texnik talablar:
    - video 3 daqiqadan kam bo‘lmasligi va 4 daqiqadan oshmasligi kerak;
    - tayyorlangan video YouTube kanaliga yuklanadi va havolasi so‘rovnomada kiritiladi.
    2 2021-yil 25-oktabrdan 20-noyabrgacha hakamlar hay’ati Zoom ilovasi orqali suhbat o‘tkazadi va uchinchi, final bosqichga o‘tadigan 40 nafar nomzodni tanlaydi.
    3 2021-yil 29-noyabrdan 5-dekabrgacha 40 nafar final bosqichiga chiqqan o‘qituvchilar dam olish maskanida (Teacher Camp) turli ijodiy tanlovlarda ishtirok etadilar va ularning faol ishtiroki va motivatsion nutqlari natijalariga ko‘ra 8 ta g‘olib aniqlanadi.

    TALABLAR

    GʻOLIBLARNI TAQDIRLASH

    Tanlovning ikkinchi bosqichidan muvaffaqiyatli oʻtgan barcha ishtirokchilar sertifikat bilan taqdirlanadi. Ular Toshkent viloyatidagi dam olish maskanida oʻquv-mashgʻulot yigʻiniga yo‘llanmani qo‘lga kiritadilar. U yerda ishtirokchilar tajriba almashib, treninglarda ishtirok etadilar va saralashning soʻnggi bosqichidan oʻtadilar. Shu bilan birga, ishtirokchilarga dam olish uchun ajoyib imkoniyat taqdim etiladi. So‘nggi bosqich doirasida koʻngilochar tanlovlar, kvestlar, viktorinalar va ekskursiyalar oʻtkazish rejalashtirilgan.

    “Ustoz – 2021” mukofot natijalariga koʻra, eng yaxshi 8 nafar gʻolib 30 million soʻm pul mukofoti, sertifikat va boshqa qimmatbaho sovgʻalar hamda “Global Teacher Prize 2022” tanloviga yo‘llanmani qo‘lga kiritadi. Finalga yetib kelgan 32 nafar ishtirokchi sertifikat, zamonaviy noutbuk, 5 million soʻm pul mukofoti va boshqa qimmatbaho sovgʻalar bilan taqdirlanadi.

    Xalqaro tanlov natijalaridan qatʼiy nazar, “Global Teacher Prize 2022” mukofotini taqdirlash marosimida “Ustoz – 2021” milliy mukofotining 8 nafar gʻolibi ishtirok etishadi.

    MUKOFOT GʻOLIBINING MISSIYASI